Matseðill

Í morgunmat fá börnin val um:

Hafragraut, Kornflex, Seríjós, og súrmjólk.

Með því er hægt að fá ávexti, kanil og rúsínur.

Í hádegismat er alltaf úrval af grænmeti sem börnin eru hvött til að borða með matnum.

Í síðdegishressingu fá börnin val um:

Brauð eða hrökkkex, með áleggi t.d. ost, skinku, kæfu o.fl. einnig eru alltaf ávextir.

Einstaka sinnum bakar matráður bananabrauð, lummur eða annað tilfallandi.

Á föstudögum eru bara ávextir í síðdegishressingunni.

Matseðill mánaðarins

Í Undralandi skammta börnin sér sjálf á disk á hlaðborði. Með því að bjóða upp á hlaðborð í matartímum fá börnin tækifæri til að taka virkan þátt í máltíðinni, velja sjálf hvað og hversu mikið þau setja á diskinn og kynnast fjölbreyttum mat á sínum eigin forsendum. Þannig er stuðlað að sjálfstæði, ábyrgð og jákvæðu viðhorfi til matar frá unga aldri. Það er lögð áhersla á að matartímar séu notalegir, uppbyggjandi og lærdómsríkir.

Starfsfólk er börnunum til stuðnings í matartímunum og veitir leiðsögn eftir þörfum, án þrýstings eða skilyrðingar. Lögð er áhersla á að skapa öruggt og hvetjandi umhverfi þar sem öll börn fá að njóta sín og upplifa jákvæða reynslu af mat. Matartíminn er jafnframt mikilvæg samverustund þar sem samtal, kurteisi og félagsfærni fá að njóta sín.

Með hlaðborðsfyrirkomulagi er tekið mið af ólíkum þörfum og getu barna og þeim gefið svigrúm til að þróa með sér heilbrigðar matarvenjur og hlustun á eigin líkama. Matartímar eru þannig órjúfanlegur hluti af uppeldisstarfi leikskólans þar sem daglegt líf verður að námi og vellíðan barna höfð að leiðarljósi.