Í þessari viku er fjallgönguvika og er stefnan tekin á hina ýmsu hóla og hæðir hér í nágerninu. Á morgun höldum við á Miðfell og göngum yfir fjallið og grillum heima hjá Öddu Siggu, Móakotsbörnin verða keyrð báðar leiðir,  Heiðarkotsbörnin verða keyrð til baka í leikskólann og Skógarkotsbörnin ganga til baka meðfram fjallinu. Þeir foreldrar sem hafa áhuga á því að koma með eru velkomnir. Göngugarparnir leggja af stað frá leikskólanum kl. 9:00.

Í þessari viku erum við með Garðyrkjuviku. Þá setjum við niður kartöflur, förum í heimsóknir á garðyrkjustöðvar og fáum jafnvel plöntur hjá þeim.

Í júní verða allir dagar dótadagar.

Vorsýning 

Okkar árlega Vorsýning verður haldin í leikskólanum Undralandi föstudaginn 21. maí frá kl:16.00-18.00. 

Allir eru velkomnir í leikskólann að líta á verk barnanna.

Klukkan 16:30 syngja leikskólabörnin nokkur lög fyrir gesti.

Foreldrafélagið verður með kökubasar í leikskólanum á meðan sýningu stendur, í fyrra fengu færri en vildu.

Tilvalið er að enda vikuna á að mæta á þennan menningarviðburð og njóta listarinnar sem hinir ungu listamenn hafa skapað og krækja sér í köku. 

Vorsýningin er hluti af menningu og hefðum leikskólans og uppskeruhátíð barnanna.