Karladagur

Við héldum upp á bóndadaginn með því að hafa karladag. Börnin buðu til sín pöbbum sínum, öfum, frændum og bræðrum sínum í heimsókn í leiksólann. Leikskólinn var opinn fyrir gesti frá 8:00-16:00 og var stanslaus gestagangur hjá okkur, líf og fjör. Það er alltaf gaman að sjá hversu margir karlar gefa sér góðan tíma í heimsóknina og eru duglegir að bregða á leik, karlarnir tóku þátt í leik og starfi lituðu, púsluðu, kubbuðu, rendu sér á sleða, bjuggu til snjókarl og lásu bækur. Við þökkum öllum þeim körlum sem komu í heimsókn kærlega fyrir komuna og vonumst til að þeir hafi skemmt sér jafn vel og við.

Þrettándagleði

Í dag var haldin þrettándagleði. Allar deildir komu saman í Hrunakrók og þar var slegið upp balli og svo var sprengd innibomba við mikinn fögnuð. Jólapakkarnir sem bárust okkur í ár voru teknir upp og færum við þeim sem gáfu kærar þakkir fyrir, púsluspilin, bækurnar, þroskaleikföng og dúkkuvagninn eiga eftir að koma að góðum notum í leik og starfi með börnunum.

Þeir sem gáfu voru Óli, Marlín og Sigga í Laxárhlíð, Katrín Ösp og Ingun Lilja, Steinunn Birna, Kormákur Hjalti, Hjalti, Andri, Íris Birna, Ragnheiður, Sigurjón Ragnar. Enn og aftur kærar þakkir.