Undraland - Leikskólinn Undraland
Vorsýning 2013
Okkar árlega vorsýning verður haldin í leikskólanum föstudaginn 24.maí frá kl:14.00-16.00. Allir eru velkomnir í leikskólann að líta á verk barnanna. Klukkan 15.00 syngja leikskólabörnin nokkur lög fyrir gesti.
Foreldrafélagið verður með kökubasar á meðan á sýningu stendur.
Tilvalið er að enda vikuna á að mæta á þennan menningarviðburð og njóta listarinnar sem hinir ungu listamenn hafa skapað og krækja sér í köku. Vorsýningin er hluti af menningu og hefðum leikskólans og uppskeruhátíð barnanna.
Leikskólakennari óskast til starfa
Leikskólakennari óskast til starfa fyrir næsta starfsár í 80-100% stöðu.
Umsóknarfrestur er til 15.maí
Allar upplýsingar veitir leikskólastjóri
Undirbúningur fyrir næsta skólaár
Nú er undirbúningur fyrir næsta skólaár kominn á fullt. Allar umsóknir um leikskólavistun eða breytta vistun þurfa að hafa borist fyrir 31.maí og leikskólaplássum verður úthlutað í júní.
Minni á að börn frá 12 mánaða aldri geta sótt um undanþágu um leikskólavist. Það er borgað 10% álag fyrir börn yngri en 18 mánaða í leikskólanum.
Frekari upplýsingar er að finna á heimasíðunni eða að hafa samband við leikskólastjóra.
Með kærri sumarkveðju
starfsfólk leikskólans